Жамбыл атындағы №5 мектеп-гимназиясында «Мектебіме тағзым» акциясы және Jambyl-tylek.kz жобасы аясында түлектермен кездесу өткізілді.

Жамбыл атындағы №5 мектеп-гимназиясында «Мектебіме тағзым» акциясы және Jambyl-tylek.kz жобасы аясында түлектермен  кездесу өткізілді. Кездесудің  мақсаты түлектердің табысты өмір жолын үлгі ету, оқушыларды жоғары оқу орындарында белгілі бір мамандықта білім алып жатқан түлектермен кездестіре отырып, пікір алысуға, болашақ  мамандығын таңдауға жүйелі көзқарасын қалыптастыру. Кездесуге  Алматы пікірсайыс федерациясының жетекшісі Мырзатаев Жансерік, Әл-Фараби атындағы Қазақ ұлттық университеті филология және әлем тілдері факультетінің білімгері, пікірсайыс турнирлерінің үздік ойыншысы Сатекова Мадина, М.Х.Дулати атындағы Тараз өңірлік университеті сәулет-құрылыс факультетінің білімгері Әшімбаев Дәурен, Ресей Федерациясы төтеншей жағдайлар академиясының білімгері Пернебай Заманбек қатысты.